Fast Food Restaurant

Ang kanyang kalooban ay matatag at hindi niya gustong maging normal. Gayunpaman, ang kanyang landas ay itinadhanang maging ganito, ang maipanganak sa isang small sect branch.
Subalit isang araw, aksidenteng nagsama ang kanyang kaliwang mata at ang mata ng isang Ancient God. Mula sa pangyayaring iyon, ang tinaguriang isda ay nagbagong anyo at naging isang dragon.
Inabot niya ang rurok ng buhay tulad ng isang tala, sinuyod niya ang landas ng pagiging isang maalamat na cultivator.
Mula sa pagiging isang maliit na langgam sa ibaba ng mundo, unti-unti siyang yumapak at nagsimulang kumilos, tungo sa mundong puno ng mga makapangyarihang sect, malalakas na ancient clans, at hindi mabilang na mga henyo.

Ito ang panahon ng mga alamat.


LiberReverieGroup

King of Gods (Tagalog)

LiberReveriePH

Pinigilan ni Zhao Feng ang kanyang hininga at hindi siya gumawa ng kahit anong padalos-dalos na galaw saka niya sinuri ang kanyang kapaligiran sa puno.

Ang aura malapit sa malaking puno ay kakaiba. Walang mga hayop o insekto ang nasa loob ng ilang daang metro, at napakatahimik rito. Biglang nakaramdam ng lamig si Zhao Feng, na tila ba may peligrong nakatuon sa kanya.

Isang mahabang anino ang biglaang lumabas mula sa mga sanga na may kasamang pagkauhaw sa dugo na aura.

Biglang napatalon ang puso ni Zhao Feng nang maabutan ng kanyang kaliwang mata ang isang malaking ahas. Ang kulay at aura nito ay katulad ng kagubatan. Kulay pula ang mata nito, at ang bibig nito ay mas malaki pa sa isang bariles.

Sa bugso ng hangin at dumi, ang bibig ng ahas ay agad na nagpakita sa harap ni Zhao Feng.

Napakabilis ng lahat. Natakot si Zhao Feng at agad na umatras, pero hindi ito sapat para maiwasan ang atake ng ahas.

Hari (2)