Butterfly Blue

Sa isang larong online na Glory, si Ye Xiu ay kilala bilang isang mala-Diyos na manlalaro't walang kahit na sino man ang nakakapantay sa karunungan niya sa laro. Gayunpaman, dahil sa ilang mga dahilan ay nasipa siya mula sa kaniyang team. Matapos lumisan, siya ay nakahanap ng trabaho bilang tagapamahala sa isang Internet Cafe.
Sa mga sandaling binuksan ng Glory ang kanilang ika-sampung server, siya na may halos sampung taong karanasan sa laro ay muling magbabalik. Kasama ang alaala ng kahapon, at isang hindi kumpleto't self-made na armas, ay muling magsisimula ang kaniyang daan papunta sa tuktok!
Matapos ang mga madugong labanan, at nakakasindak na patayan, sino ang nagnakaw ng aking kadakilaan? Sa ilalim ng bagyo’t delubyo, magiging para bang hindi nawasak ang aking mga pangarap.
Sa liwanag nito'y hindi mababalutan ng kadiliman ang daan. Sa ilalim ng mga mata ng lahat, dito magsisimula ang aking daan para sa kadakilaan!



The King's Avatar (Tagalog)

Nomyummi

"Isang Siyentipiko?" Bulong ni Wei Chen sa kaniyang sarili. Malinaw na hindi maproseso ng kaniyang utak ang katotohanan na sa tulong ng isang pambihirang pagkakataon ay magagawa niyang makihalubilo sa mga ganitong klase ng tao.

"Nabobo ka na ba? Isa siyang mathematician." Hinamak ni Ye Xiu si Wei Chen.

"T*ngina, hindi ba't parehas lang naman 'yan?" Pasigaw na sabi ni Wei Chen.

Bukod kay Steamed Bun ay nahirapan ang lahat na huminga matapos malaman ang katotohanan na sinabi sa kanila ni Tang Rou tungkol sa pagkakakilanlan ni Zhang Yichun.

"Concealed Light, bakit hindi mo sinabi sa amin na isa ka palang estudyante ng isang kilalang Diyos sa matematika? Grabe, sino ka nga ba talaga?" Tinanong ni Ye Xiu ang kung anong itinanong ni Tang Rou kanina sa kanilang lahat.

"Ano naman ang punto kung tatanungin mo pa siya ng ganiyan? Sa katunayan ay may nalalaman ka bang mga bagay tungkol sa mga unibersidad?" Tinanong ni Wei Chen si Ye Xiu.

Ang Rurok ng Pagsasaliksik