﻿Passion Honey

Noong gabi bago ang nakatakdang araw ng kanilang kasal, tumakbo ang kanyang mapapangasawa kasama ng kanyang kabit.
Dahil sa kabiguan, hinila niya ang lalaki na nakatayo sa harap ng Civil Affairs Office, “President Mo, ang iyong mapapangasawang babae ay hindi pa dumarating at ang mapapangasawa kong lalaki naman at tumakbo na … maaari ko bang imungkahi na tayong dalawa na lamang ang magpakasal?”
Bago magpakasal, sinabi ni Tangning, “Kahit na magsama tayo sa iisang kama, walang mangyayari sa pagitan nating dalawa!”
Pagkatapos magpakasal, sinabi ni Mo Ting, “Kapag hindi natin sinubukan, paano natin malalaman?”
 

Trial Marriage Husband: Need to Work Hard (Tagalog)

Mahinahon niyang nilingon ang dalawa at sinabi lamang, "Nasa First Class ako."

Hindi mapigilang humalakhak ni Long Jie na kasalukuyang kasunod ni Tangning. Pagtapos ay iwinagayway niya ang kanilang boarding passes na nasa kamay niya habang sinasabi, "Ipagpatawad n'yo, nasa first class din kami. Maging masaya sana kayo dito sa Economy…"

Saka lang napagtanto ni Lin Wei na na – upgrade din ang kanyang plane ticket pagkatapos niyang makasakay ng eroplano. Nang makita niya ang naguguluhang ekspresyon sa mukha ni Mo Yurou, labis siyang nasiyahan. Ito ang unang pagkakataon, bilang manager ng isang artist, na mas maganda pa ang pagturing sa kanya kaysa sa CEO ng agency!

Pinanood lang ni Mo Yurou ang pagpasok ng tatlo sa First Class Cabin bago may paghihinala na nilingon si Han Yufan, "Ano ang nangyari? Diba sabi nila na wala ng first class? Hindi ba ang nag – book ng ticket ni Tangning ay ang agency?"

"Hindi ko din alam ang nangyayari," bigong tugon ni Han Yufan.

Ipagbibili Niya Ako