Magazine na may Dalawang Tao

Pagkatapos na makumpleto ang solo shoot, umalis si Tangning ng studio para sa pagbabago ng set. Kailangan din niyang magpalit ng bagong damit. Gayunpaman, sa pagpapalik niya sa waiting room, nakita niya ang assistant ni Mo Yurou na nakatayo sa labas ng pinto at nagbabantay habang galit itong nakatingin sa kanya.

"Nasa loob si President Han, kailangan mong saglit na maghintay."

Mahinahong sinulyapan ni Tangning ang assistant ni Mo Yurou bago banayad niya itong itinulak sa gilid at binuksan ang pinto.

Sa loob ng silid, nakaupo si Mo Yurou sa kandungan ni Han Yufan – ang dalawa ay lulong sa mga nag – aapoy na sandali. Ang tagpong nakita niya sa kanyang harapan ay katulad ng gabing natuklasan niya na pinagtataksil siya ng dalawang ito. Ang ganitong uri ng kagalit – galit na bagay at pagsasawalang bahala sa ibang tao na nasa paligid nila ay nagpapakita na akala nila ay nanalo na sila.