PLUMA'T PAPEL

Sa tuwing ako'y lumilisan

Upang maghanap buhay

Ang puso, diwa't isipan ko'y naiiwan

Sa pluma't papel

Anong lumbay

Itong aking nadarama

Tila ba lutang ang isip

Malayo ang tingin

Nakatulala sa hangin

Anong sakit sa dibdib

Itong aking nadarama

Sa tuwing mabibitiwan

Ang pluma't papel

Sa tuwing lilisan upang kumayod

Ito na ang buhay ko

Pangarap ko

Ang pagguhit

Hindi ang magluto

O ano pa mang larangan

Ngunit ano nga bang magagawa

Ng isang abang tulad ko

Kahit masakit

Kailangang tanggapin

Ang pangarap na inaasam-asam

Ay di maabot-abot

Di makamtan-kamtan

Di makuha-huha

Nadudurog ang puso kong

Tanging pluma at papel ang sinisigaw

Sa tuwing lumilipas ang bawat panahon

Tila ba palayo na ng palayo

Sa pangarap

Napapatanong na lamang

Napapaiyak gabi-gabi

Sa pananalangi'y

Pangarap ay di malisan

Laging bukang bibig

Kahit saan ibaling

Kahit saan ipihit

Kahit saan itulak

Kahit saan italsik

Kahit saan ipagngudngudan

Bugso ng damdamin

Ay anong lakas ng pagsiklab

Tulad ng apoy na kulang na laang ay matupok

Tulad ng agos na kulang na laang ay malunod

Tanging lapis at papel

Ang tinitibok ng puso't isipan

Tila ba pagibig itong nadarama

Sa kabilang banda...

Napapatanong ako

Hanggang pangarap na nga lang ba

O magiging katotohanan pa

Gaano karaming kanin at ulam pa

Ang kailangan kong kainin

Ilang Segundo, minuto araw, buwan o mga taon pa ang bibilangin

Upang makasatuparan

Maraming bagay ang naglalaro sa isipan ko

Habang ako'y nagtatrabaho

Paano kung...

Paano kung may kurso kong gusto

Sa lungsod na ito

Ano kayang buhay ko ngayon

Ano kayang plano ng Panginoon para sa akin

Ano kayang gusto nyang ipahayag sa akin

Gusto kong maunawaan

Gusto malaman

Gusto kong siyasatin

Tanging ang nagpapalakas na lang

Sa abang tulad ko

Ay pananalig sa Poong Maykapal

Na balang araw pangarap ko'y makakamtan rin

Maaabot, mararamdaman at mararanasan

Ngunit kung di talagang para sa akin

Alam kong may higit na magandang plano

Ang Poong Maykapal sa buhay ko.