Ika-Sampu ng Disyebre

Ngayong araw na ito, ika-sampu ng Disyembre, ika'y aking na kilala

Sa anim na taon, marami nang naipon na ala-ala

Mula sa unang beses na nakita ko ang 'yong mga mata

Hanggang sa ngayon na wala kana

Anim na taon na ika'y aking minahal

Inakalang hanggang dulo tayo ay magtatagal

Akala'y nasagot na ang aking mga dasal

At mauuwi na sa kasal ang ating pagmamahal

Pero isang araw tayo'y napagod, lumuhod at tila nag pahinga

Nung tayo'y tumayo muli, wala na tayo sa isa't isa

Ang dating pusong masaya ay napunit sa dalawa

Nakatulala sa kisame, nagiisip, alas kwarto ng Umaga

Anim na oras nang nakalipas mula alas dose ng umaga,

Siguro nga oras na para ako ay mag pahinga

Sa pagiisip sa kung anong nangyari, at aking pagkakamali

Oras na para kalimutan ang lahat at mahalin ang sarili

Ngayong araw na ito, ika-sampu ng Disyembre, ika'y aking na kilala

Sa anim na taon, Marami nang naipon na ala-ala

Mula sa unang beses na sinabi kong mahal kita

Hanggang sa ngayon na malaya ka