Malay Ko Dyan!

"T-Teka sino ka ba at bigla ka na lang nanakal dyan?"

Tanong ni Sarhento na ngayon lang natauhan. Namutla ito kanina dahil sa pagkabigla ng makita ang ginawa ni Kate.

Sinilip nito si Lara na hawak ang dalawang binti, nakaupo pa rin sa sahig, nanginginig sa takot.

"Lara, okey ka lang?"

Pero hindi sya pinansin nito, tila hindi sya nadidinig. Nakatulala pa rin si Lara at puno ng takot ang mababanaag sa mga mata nito.

"N-Nakita mo na ang ginawa mo? Gusto mo bang makulong? Kahit buntis ka, pwede kang makulong sa ginawa mong pananakit sa kanya!"

Tiningnan sya ng matalim ni Kate tapos ay sa posas na nakalagay sa kamay ni Mel at kay Sarhento.

"Bakit ka nya pinosas?"

Tanong ni Kate kay Mel.

"Sa totoo lang WifeyLabs, hindi ko rin alam. Basta na lang nya akong pinosas pagpasok nya rito!"

Pagtatapat ni Mel.

"Pinosasan mo ang Melabs ko ng walang dahilan?"

Nagpupuyos na naman sa galit si Kate.

"A-Anong walang dahilan? Inabuso nya ang inaanak ko, kaya andito ako para hulihin sya at dalhin sa presinto! Pati ikaw isasama ko! Mga abusado kayo!"

Sabay sulyap nito kay Lara na nakaupo pa rin at nanginginig pa rin sa takot.

"Inaanak mo ang basurang yan? Kaya pala .... basura ka rin kung magisip!"

Matapang na sabi ni Kate.

Nagpintig ang mga tenga ni Sarhento ng madinig ang sinabi ni Kate. Nasaktan ang ego nya ng tawagin sya nitong BASURA.

"Anong sabi mo?"

"Bakit, hindi ba basura ang tawag sa mga taong naniniwala sa sinasabi ng isang basura?"

"Hoy! Lintek ka .... !"

"Anong kaguluhan ito?"

Napatingin ang lahat sa bagong dating maliban kay Lara na nanginginig pa rin.

"Chief, mabuti dumating kayo!"

Agad na sabi ni Sarhento.

"Ano nga po palang ginagawa ninyo dito?"

Dugtong ni Sarhento.

"Ikaw ang dapat kong tanungin nyan! Anong ginagawa mo dito, Sarhento? At bakit mo pinosasan si Mel?"

"Chief, eto kasing lalaking 'to, inaabuso ang inaanak kong si Lara tapos gusto pa atang paglaruan kaya hinuhuli ko! At saka itong buntis na babaeng ito sinakmal ang inaanak ko ng basta basta at gusto syang patayin!"

Sinulyapan ni Chief Nalan si Lara. Kita sa leeg nito ang marka ng pagkaka sakal. Hindi ito agad nagsalita, pinagaaralan ang lahat.

Samantalang si Raymond ay inaya naman na maupo sa sofa si Ethan.

Samantala, habang busy sa pagmamasid si Chief, busy rin si Raymond. Kay Ethan.

"Halika Wafu, dito tayo sa may sofa! Hamo na sila dyan! Mas masarap manuod ng aksyon pag nakaupo! Hehe!"

Sa sobrang aliw nito kay Ethan, iinumin na sana nya ang kapeng ibinigay sa kanya kanina ni Kate bago nya sakmalin si Lara.

"Kung ako sa'yo huwag mong inumin yan. Binili ni Elise para kay Melabs."

Sabi ni Ethan.

"Huh? Sinong Elise?"

Sabay turo ni Ethan kay Kate.

"Kung ayaw mong matulad dun sa babae, huwag mong balaking inumin yan!"

Sabi nito kay Raymond na kinindatan pa sya.

Napalunok si Raymond hindi dahil sa mala artistang nasa harap nya ngayon kundi sa takot na baka gawin din sa kanya ni Kate ang ginawa nya kay Lara.

Maingat na ibinaba ni Raymond ang kape sa mesitang katabi nya.

"Chief, akong may gawa nyan."

Pag amin ni Kate ng makitang kanina pa sya sinusulyapan nito.

"Ehem, Ms. Kate, pwede mo bang sabihin kung bakit mo ginawa yan sa kanya?"

"Dahil tinawag nyang mahal si Melabs ko at hinawakan nya pa ito sa braso!"

Deretsahang sagot ni Kate.

'Jusmiyo! Grabe pa lang magselos itong babaeng 'to!'

"Eh, kasi nga Chief, two timer itong lalaking 'to! May asawa na pala nilalandi pa ang inaanak ko!"

Sabat ni Sarhento.

"Sarhento, dahan dahan ka sa paratang mo! Huwag kang magtahi ng kwento!"

Pagtatanggol ni Mel.

"At idinideny mo pa? Ano yung naabutan ko kanina, ha?"

"Bakit hindi mo sabihin sa kanila kung ano ang nakita mo kanina pag dating mo?"

Ibinalik ni Mel kay Sarhento ang tanong.

Nakakaramdam na rin ito ng inis sa sarhentong ito na hindi na yata nagiisip.

"Tama sya Sarhento, ano nga ba ang nakita mo at bigla mong pinosasan si Mel?"

Tanong ni Chief

"Chief, kanina, pagdating ko, nakita ko si Lara, na punit punit ang damit at umiiyak!"

"Uhh ... tapos?"

"Tapos tinanong ko si Lara at sya ang itinuro! Kaya agad ko syang pinosasan pero pinigilan ako ni Lara na dalhin ko sya sa presinto. Sabi nya nagmamahalan daw sila!"

"Nagmamahalan????!!!"

Galit na tanong ni Kate sabay tingin kay Mel.

"Wala akong malay dyan WifeyLabs! Ni hindi ko nga kilala yang babaeng yan na basta na lang dumikit sa akin!"

"Teka lang Sarhento. Sabi mo, nadatnan mong punit punit at umiiyak yang inaanak mo pagdating dito at tinuturo si Mel?"

"Yes Chief!"

"Nasaan ang pamangkin mo ng dumating ka?"

"Dyan po sa gitna, tapos saka anh po sya lumapit dito kay Mel ng makita nya pinosasan ko!"

"So andito sa gitnang ito yang pamangkin mo, tama ba ako?"

"Tama po, Chief!"

"Eh, si Mel, nasan sya ng dumating ka?"

Napaisip si Sarhento.

Mukhang alam nya kung saan patutungo ang tanong ni Chief.

"Chief..."

"Bakit hindi mo masagot?"

"Kasi Chief..."

"Dito nya po ako inabutan sa pwestong ito ng dumating sya. Humakbang lang ako ng konti kanina para awatin ko si WifeyLabs"

Paliwanag ni Mel.

"Pero Chief ... kita mo naman ang ginawa nila sa inaanak ko! Tama ba yan na hindi ko sya bigyan ng hustisya?"

"Yan Kaawa awa? Sipain ko pa yan eh!"

Umamba pa si Kate sa pagsipa na ikinatakot ni Lara.

Para itong nasa isang sulok asong bahag ang buntot.

Nilapitan ni Chief si Mel at tinanggal ito sa pagkakaposas.

"Chief!"

"Tumahimik ka na Sarhento! Kung may sasabihin ka sa opisina ko tayo magusap!"

"Salamat po Chief! Kanina ko pa nga gustong maupo."

Sabi ni Mel na dumiretso na sa sofa para maupo.

Kasunod nito si Kate na inalalayan sya para maupo.

Pagkaupo ni Mel, may napansin naman si Kate na nakuha ang interes nito.

Ang computer.

Agad itong naupo sa upuan ni Mel sa mesa nito kung saan naroon ang computer.

Hindi nya alam pero parang kinakausap sya ng computer.

At hindi nya nga namamalayan na kusang gumalaw ang mga kamay nya sa keyboard na parang nagsasayaw.

"Pero Chief ... pangalawang beses nya nang inabuso ng lalaking yan ang inaanak ko! Hindi ako papayag na basta nyo na lang pagtatakpan ito!"

Napakunot ang noo ni Chief.

'Anong pinagsasabi nito pinagtatakpan?'

'Hindi ba nya naisip na kaya ko ginagawa ito ay para hindi sya mapahiya ng husto?'

"Pinaparatangan mo ba ako Sarhento?"

"Hindi naman sa ganun Chief pero ..."

"Pero ayaw mong tumigil kung kaya mas mabuting tapusin na natin dito. Pero huwag mo akong sisihin kung ano ang magiging resulta nito!

Mel, pwede ko bang makita ang CCTV?"

'CCTV?'

Biglang bumalik sa wisyo si Lara ng madinig ang sinabi ni Chief.

Namutla ito.