chapter: 8 mysteries

Abhi: nhi yaar!! Unke bare mein koi nhi jaanta... ke kya huya, usse vo shaitaani vampires le gye ya vo khud chali gyi.. aur bache ka bhi koi idea nhi hai..

Nayra: aur jab yeh ladayi chal rhi thi tum kis side the..

Abhi: main toh chota tha... par han!! Mere Maa-baap raja ji ki side the..

Nayra: toh tum yeh vale Jungle mein kyu nhi gye??

Abhi: kyon ke Maa ne kha ab yeh ladayiyan chalti hi rahengi.. aur hum baar-baar nhi lad sakte.. iss liye hum log shehar mein hi insaano ke beech rehne lag gye.

Nayra: toh ab jo har saal function hota hai.. tum iss jungle mein jate ho?

Abhi: nah!! Main nhi jata, mere Maa-Paa chale jaate hain..

Nayra: tum kyu nhi?

Abhi: mera mann nhi karta..

Tumhe jana hai??

Nayra: han! Par main kaise jaa sakti hoon..

Abhi: ek mahina baki hai uss function ko..

Toh mere sath chalna!!

Nayra: han! Agar kisi ne mujhe pehchaan liya toh?

Abhi: nhi aisa nhi hota.. tumhe toh kisi ne dekha hi nhi hai.. toh pehchanenge kaise??

Main tumhe apni fiance banakar le jaaoonga...

Nayra: han yeh sahi hai..

Kisi ko kuch pta bhi nhi chalega..

Abhi: han..

Iss baat-cheet ke baad Nayra ab Abhi ke sath kafi khull gyi thi...

Aur vo usse Abeer ke bare mein bhi batati hai.. jis mein Abhi usko help karne ko tyar ho jata hai.. ke vo dono mil kar Abeer ko dhoondhenge

Aur ab sath hi vo yeh bhi faisla karte hain.. ke Kyu na raja ji ka pyar aur unke bache ko bhi dhoondha jaye..

Vo dono aaj se hi shuru kar dete hain..

Pehle vo insaani ladki ko dhoondhne ki koshish mein jutt jate hain.. vo pehle Abhi ke ghar mein jaate hain..

Abhi ka ghar boht sundar tha.. uske ghar mein vo apne Maa aur papa ke sath rehta tha.. uske Maa aur Papa jab Nayra se milte hain.. toh unhein boht uljhan si ho jati hai.. aur vo kuch kehte nhi.. yahan Abhi aur Nayra uss insaani ladki ke bare mein jaan-ne aaye the.. jab vo unse poochte hain.. toh vo thoda hichkichaate hain... par Abhi ke papa himmat karke keh hi dete hain.. ke vo insaani ladki shyed Nayra jaisi dikhti thi..

Yeh sun kar Nayra ko boht ajeeb lagta hai..

Fir vo kehte hain ke hum pakka nhi keh sakte par shyed jitni sundar yeh hai. Vo bhi uske jitni hi sundar thi...

Yeh sunkar Nayra thoda acha mehsoos karti hai... kyon ke vo insaani ladki bhi boht sundar hogi.. vo yhi sochti hai...

Unse baat karne par Nayra aur Abhi ko jada kuch zaroori pta nhi chalta toh vo wahan se chale jate hain... jaise hi vo ghar se nikalte hain.. Abhi ke maa aur papa hairaani mein the... ke yeh ladki toh bilkul hi vaisi dikhti hai... par iski aankhon aur baalon ka rang allg hai...

Ab kya krein?? Kisi ko woh bta bhi nhi sakte kyon ke yeh toh vampire hai... aur uske maa baap bhi hain..

Kaun yakeen karta..

Toh vo chup rehne mein hi bhalayi samjhte hain..

Iske baad Abhi kehta hai kyu na tumhare jungle ke baki vampires se pta kiya jaye.. unhein toh pta hi hoga..

Nayra : han.. shyed! Par mera vahan jana manaa hai...

Abhi: kyu?

Nayra: pta nhi!! Bachpan mein Maa ne kha tha ke jab bhi main wahan jati thi vo log mujhe maarne ki hi koshish karte the.. iss liye mere Maa aur papa ne un sabse door ghar bana liya .. aur hum alg se hi rehte hain...unmein se koi bhi hamare paas rehne nhi aaya.. shyed unhein yeh jagah pasand na ho.

Abhi: tumhe aisa kuch yaad hai?

Nayra: nhi.. par mujhe un logon se door rehne ko hi kha gya hai.

Abhi: toh chalo aaj chalte hain..sari baat pta chal hi jayegi...

Nayra: han! Par aaj nhi.. kal chalenge.. abhi raat ho gyi hai.. aur mujhe ghar jana hai... apni behan se Abeer ke bare mein pta karna hai...

Abhi: theek hai!!

Toh kal jheel ke paas hi milenge..

Aur vo dono wahan se chale jaate hain..

Ghar jaakar sabse pehle Nayra, Shyra ke kamre mein jaati hai...

Shyra: aao tumhara hi intezaar kar rhi thi main... acha huya tum aa gyi varna main hi aane vali thi..

Chalo ab saaf-saaf batao...

Mere college mein, meri class mein... aaj tum kya kar rhi thi???

Nayra: main tumhari class ke ek ladke ko dhoondhne aayi thi..

Shyra: (hairaani se) acha!! Kaun sa ladka??

Nayra: Abeer..

Shyra yeh naam sun kar poori trah se shock ho jati hai.. aur usse Nayra par boht jada gussa aa rha tha... jis baat ka usse darr tha vhi huya... Nayra, Abeer ko jaanti thi...

Tum Abeer ko kaise jaanti ho??

Nayra: usse farak nhi padta! Par yeh batao? Vo aaj college kyu nhi aaya??

Shyra: (gusse mein) pehle yeh batao ke tum usse kaise jaanti ho?? Aur tumhe usse kya chahiye??

Nayra: mujhe bas apne kuch sawaalon ka jwaab chahiye usse..

Shyra: kaise swaal??

Nayra: jitna poocha hai.. bas uska jwaab do... tum jada swaal mat poocho...

Shyra: (poore gusse mein)Maine bhi jitna poocha hai ussi ka jwaab do...

Nayra ko Shyra ka mijaaz theek nhi lagta toh vo bina kuch aur bole wahan se jaana hi behtar samjhti hai..

Aur jaise hi vo jaane lagti hai.. Shyra uss par hamla kar deti hai... jis wajah se Nayra neeche gir jati hai... aur uska gala pakad leti hai.. batao!! Tum Abeer se kya chahti ho???

Iss baat par Nayra ko bhi gussa aa jata hai aur Shyra ko boht zor se push karti hai... ke Shyra khidki se bahar hi gir jati hai...

Vo uthne hi lagti hai.. par Nayra fir se usko push karti hai.. jis wajah se Shyra ka sir diwaar se takra jata hai.. aur usko sir mein chot lagti hai... par Shyra dubara Nayra par attack karne lgti hai toh Nayra usse gale se pakad kar hwa mein utha leti hai... aur usse kehti hai...

Agar aaj ke baad tumne mujhe choone ki koshish bhi ki na!! Toh vo haal karoongi.. jo tum soch bhi nhi sakti...

Aur mujhse iss trah se sawaal-jwaab karna tumhari aukaat se bahar hai.. toh utna hi mooh khola karo jitni tumahari aukaat tumhe Ijaazat deti hai..

Shyra ka dum ghut rha tha.. toh Nayra usse dubara se zor se dhakka dekar aise hi fenk deti hai...

Aur wahan se chali jati hai..

Shyra ko boht zor se chot lagti hai...

Par usse boht gussa aa rha tha..

Ke vo Nayra se badi hai.. fir vo uske jitni powerful kyu nhi thi.. Nayra ko haraana boht mushkil tha..

Aur ab toh usse aur bhi jada bura lag rha tha kyon ke.. vo Abeer ko jaanti thi... Shyra ka pyar... usse door ho jayega.. kyon ke usse pta tha. Nayra boht sundar hai.. Abeer usse asaani se pasand kar lega...

Pichli baar ki trah iss baar bhi.. Shyra ka pyar usse door ho jayega. Dubara se... Nayra ki wajah se

Toh Shyra boht pain mein thi...

Khud ko thoda sambhaalte huye vo Nayra ke paas jaati hai...

Nayra: ab kya lene aayi ho...

Apne sawaalon ke jwaab?

Jao.. yahan se..

Main tumse baat hi nhi karna chahti..

Shyra: han pta hai...

Bas itna kehna chahti hoon...

Ke main Abeer se boht pyar karti hoon..

Bas tum usse door rho...

Main iss baar bhi tumhari wajah se apna pyar khona nhi chahti...

Nayra:(gusse se) acha!! Toh tum aaj bhi issi galat fehmi mein ho.. ke Maine tumahare uss 'Devin' ko tumse door kiya tha.

Mtlb kis mitti ki bani ho tum...

Tumhe samjh nhi aata kuch...

Issi wajah se vo tumhe chod kar chla gya... aur ab yeh Abeer bhi chalaa gya.. aisa hi samjh lo...

Kyon ke kal tumhare uss sache pyar ne mujhe apni girlfriend banne ko kha tha...

Mtlb yaar.. kaisi ladki ho tum..

Dhang se pyar bhi nhi karna aata tumhe... aur mujhse dushmani.. rakhne ki baat karti ho....

Agar tumme thodi si bhi akal hoti... toh aaj yeh kehne na aati tum...

Aur tum jaanti hi kya ho.. uss Abeer ke bare mein.. jo 4 mahine pehle hi aaya hai...

Jao apna kaam karo..

Mujhe aur bhi boht kaam hain..

Tumhe clarification dene ko nhi baithi hoon main..

Niklo...

Aur Shyra bina kuch kahe wahan se chali jati hai...

Vo boht jada hurt thi..

Usse boht bura lagta hai..ke Abeer ne Nayra ko purpose kiya...

Aur Nayra ne usse hamesha hi uska pyar cheena tha..