Bagian ka 26

Adit so kase kabar pa Arthur dia pe papa tiri kalo Bela pe mama bole mo bekeng tu kukis ulang taong perusahaan yang ka 50 dan bisa pi bawa ka kantornya Arthur

Hari demi hari berlalu pe capat skali. Hari ini perusahaan tempat Arthur bekerja ulangtahun, saat ini dia sedang bekerja sambil ba tunggu itu kukis ulang tahun. Nyanda lama

kemudian telepone ba bunyi

"ya, halo"

"apa benar ini deng pak Arthur"

"iyo butul"

"ini deng sapa?"

"kita Boy, owner Toko Roti deng Kukis

"kita hanya cuma mo kase tau kalo bapak pe orderan so jadi, torang pe pegawai saat ini so bajalang ka bapak pe kantor"

"orderan apa? kita nyanda ba pesan apa-apa mungkin ngana salah orang"

"tapi pak, disini so ada nama deng alamat kantor bapak dan orderan bapak adalah kukis ulang taun perusahaan yang ka 50"

Arthur jadi kage ada dengar, dia berusaha redam dia pe emosi dan bale ba telepon

"kalo boleh kita tau, siapa yang bekeng itu kukis ulang taun?"

"Ibu Shinta, pak yang bekeng itu.kukis ulangtaun"

"ok kalo bagitu, makasih"

Arthur tutup itu telepon

Arthur berusaha mo kase terus tu dia pe pekerjaan yang sempat ta tunda

mar dia so nyanda fokus deng nyanda bisa konsentrasi lagi karna ba pikir dia pe mantan maitua/bini

S'tengah jam kemudian pegawai yang antar itu pesanan so sampe Arthur pe kantor dan Clara salah

satu Arthur pe bawahan datang menghampiri dia

"maaf pak, bapak pe pesanan so sampe"

"dimana pegawai yang antar itu pesanan"

"dia so ba tunggu dilobby pak"

"ok kita so mo kasana, ngana bole pigi skarang"

"baik pak kita permisi dulu"

Lalu Arthur hubungi dia pe atasan

"selamat siang bos, itu kukis ulangtahun so ada"

"bagus, ngana bisa bawa itu kukis ka ruang meeting" perintah atasan Arthur

"baik bos kita segera antar ka sana"

Kemudian Arthur segera pigi ka ka lobby for mo ambe itu pesanan, sampe disana so ada

pegawai dari toko kukis yang ba tunggu. Arthur liat itu orang duduk ba belakang pa dia

"maaf misi apa ngana pegawai dari toko kukis yang bawa kita pesanan"

itu pegawai kage, dia segera ba diri dan ba putar baku mangada deng Arthur, dia ulang ta kage

"Arthur"

"Apa kabar Shinta"

"Bae"

"ngana dang"

"bae juga"

"Shinta so lama kita nyanda baku dapa gimana ngana pe kabar deng anak-anak"

"Anak-anak bae-bae jo, kalo kita.. ngana bisa liat skarang"

lalu dorang dua diang model patong sambil baku lia satu sama laeng. Dorang nyanda kira mo baku dapa seperti ini. Keheningan ta picah saat telepon Arthur ba bunyi. Arthur pun segera sadar kembali

"yah, halo"

"maaf pak, big bos samantara menuju ka ruang meeting"

"baik kita so mo ka sana"

Arthur lihat Shinta pe model dia ada pake seragam toko roti tampa dia karja. Dia pe mantan bini nyanda

banyak ba rubah. Arthur tersenyum

"ngana nyanda banyak ba rubah"

"ngana juga"

"oh iyo kita lupa ini kukis ulang taun orderannya"

Shinta ambe itu orderan yang dia taroh diatas meja dan kase ka Arthur dan dia ambe

"makasih"

"kita permisi dulu, big bos so tunggu, kita pe maksud kita pe atasan dia so tunggu kita diruang meeting"

Arthur hendak pigi menemui atasan tapi kage-kage dia ba putar bale ka Shinta

"ada apa"

"mmm... kalo ngana ada waktu apa ngana bisa datang pa kita pe rumah for makang malam bersama"

"mmm... apa ngana pe paitua nyanda keberatan kalo kita makang malam pa ngana pe rumah"

"kita mo tanya dulu ka Krisna, moga-moga dia nyanda kaberatan"

telepon Arthur ba bunyi ulang

"iyo, ada apa?"

"maaf pak, Big Bos so ba tunggu diruang meeting"

"kita sedang manuju ka sana"

"maaf Shinta, kita so musti pigi kita pe atasan so ba tunggu diruang meeting"

"nyanda apa-apa kita ma ngarti"

Setelah itu Arthur dan Shinta ba pisah, Arthur pigi ka ruang meeting mo baku dapa deng dia pe bos dan Shinta

bale ka toko roti tampa dia ba karja