Bagian ka 29

"Malam telah tiba, hore"

Ade nyanyi di dalang oto

Bela hanya lihat kaluar dari kaca oto entah apa yang dia ada pikir. Shinta, dorang pe mama fokus setir oto. Yah hari ini dorang lagi bajalang ka Adit pe rumah pake oto for penuhi undangan makang malam. Beberapa jam kemudian Shinta deng dia pe anak-anak so sampe di Adit pe rumah

"hore so sampe"

Ade capat-capat buka tu pintu oto dan turung dari oto

"Ade pelang-pelang kalo mo turung, Ade jang capat-capat ba jalang"

Bela lalu turung dari oto, cumang ba diang nyanda ba cumu apa-apa. Shinta kase parkir tu oto dimuka halaman Adit pe rumah, kini ka dua kakak ade itu so dimuka pintu lagi pencet-pencet bell rumah

"ting-tong, ting-tong"

"iyo tunggu sabantar"

suara dari dalang rumah ta dengar lalu pintu rumah ta buka

"wah! ngoni so datang rupanya"

Krisna kage dan sanang

ada liat pa Bela deng Ade

"halo s'lamat malam"

"malam tanta"

"iyo malam juga"

"apa cuma ngoni dua yang datang"

"nyanda, torang datang deng mama, oh... itu mama"

Ade liat dan tunjuk ka arah Bunda

Krisna kase cipit dia pe mata dan dia kage liat Ade pe mama ba dekat

"Shinta"

"Krisna"

dorang dua sama-sama kage, sedangkan Ade dan Bela bingo liat pa dorang dua, lalu ada yang datang dari dalang rumah ba dekat pa Krisna

"pi, papi apa tamu itu so datang"

Kristina lalu ta sadar

"eh iyo itu tamu so datang"

"giapa nyanda suruh maso"

"eh iyo mari jo maso"

Krisna suruh dia pe tamu maso ka dalam rumah

Ade, Bela dan Shinta maso ka dalam rumah sambil iko pa Adit dan Krisna sampe ka dalang diruang makang

"Ayo mari duduk"

dorang lalu duduk dikadera masing-masing

rupanya itu hidangan so ta sedia dimeja makang sebelum Shinta dan anak-anaknya sampe

"wah pe banyak jo tuh makanan, bisa-bisa Ade pe puru jadi gode kalo banyak makang"

kata Ade sambil lihat-lihat hidangan yang ada dimukanya

"Ade yang sopan yah kalo bicara di orang pe rumah"

"ha, ha, ha"

"nyanda apa-apa namanya juga anak-anak"

Krisna nyanda masalah

"maaf meski masih anak-anak tapi musti kase ajar sopan santun sejak dini"

"maaf om, papa dimana kita pe maksud om Arthur kamana "

Adit kase cipit dia pe mata ada haga pa Bela

Shinta kage ada dengat

"oh kita pe paitua masih dijalang mungkin da ta prop dijalang" Krisna lirik ka Shinta

Krisna rasa nyanda enak liat pa Shinta, gimana juga Shinta dulu Arthur pe bini/maitua

"sebelum torang makang, lebih dulu torang berdoa dulu dan Aditya yang akang mo pimpin doa karna papanya lagi nda ada"

Krisna liat ke arah Adit anaknya, bagitu juga Bela, Ade dan Shintaa liat ka arah Adit

(Shinta nda sangka kalo Adit itu ternyata alm. Arlan dan Krisna pe anak sedang Bela baru tau kalo Adit, dia pe saudara tiri saat Krisna kase kenal ka para tamu undangan itu Arthur sebagai dia pe paitua di acara ulangtaunnya Krisna)

"ok kalo bagitu, kalo so siap kita bisa mulai berdoa" Adit

pimpin doa

dorang tunduk kapala, tutup mata kemudian Adit baca doa sedang Ade masih buka mata lihat apa yang dorang lakukan dan dia tiru

"Doa selesai"

"manjo silahkan nikmati itu makanan" Krisna mempersilahkan

orangtua yang lebeh dulu ambe tu nasi, sayor, laukpauk, dan ikang lalu disusul si kakak dan terakhir

si ade

"Ade pelang-pelang kalo makang" Shinta kase nasehat ka Ade

"om tu ikang pe sadap s'kali Ade suka, pingin nambah"

"makasih Ade nyanda usah malo-malo kalo mo nambah"

"Ade kase habis dulu tu makanan yang ada dimulu baru Ade boleh ngomong"

"maaf mama"

Bela dan Adit hanya ba haga sekilas ka arah Shinta dan Ade lalu kase trus dorang pe makang

Sementara dorang sedang menikmati makang malam, handphone Krisna ba bunyi

"maaf kita misi sabantar"

Krisna kase tinggal tuh meja makang dan pigi ka ka ruang tamu

Krisna lihat layar di dia pe hp dan disitu ada nomor yang dia nyanda kenal, sesaat dia ragu mo jawab itu panggilan tapi akhirnya dia jawab itu panggilan

"maaf deng siapa ini?"

"maaf apa ini deng pak Arthur pe keluarga"

"iyo Arthur kita pe paitua ini deng siapa yah"

Krisna heran, curiga

"maaf pak torang dari Rumah Sakit Bintang Mulia cuma sekedar kase informasi kalo ngana pe paitua pak Arthur

ada cilaka dioto dan saat ini lagi dirawat diruangan UGD

"apa kita pe paitua kecelakaan"

"iyo butul pak"

"gimana kita pe paitua pe keadaan"

"saat ini sedang diperiksa oleh dokter, for informasi lebih langkap, bisa datang ka Rumah Sakit sambil urus itu administrasi"

"baik-baik kita akan segera mo ka sana, makase" Krisna mengakhiri percakapannya

Krisa balik ka ruang makan sambil ma nangis. Adit yang lihat hal itu ba tanya pa dia pe papi

"pi ada apa, apa tadi papa ba telpon?"

"Adit ngana pe papa cilaka dioto"

"apa papa cilaka dioto!" kata Adit dan Bela sama-sama

Adit liat ka arah Bela, kiapa Bela pangge papa ka Arthur. Bela rasa Adit ada awasi, Bela lalu kase maruku dia pe kapala

"ayo torang ka rumah sakit"

"dirumah sakit mana papa dirawat"

"Rumah Sakit Bintang Mulia"

Shinta rasa dia musti iko sama-sama deng dorang, dia khawatir deng kondisi Arthur, dia pe mantan laki/paitua. Apalagi Shinta bawa oto sandiri.

"apa bisa kita deng anak-anak iko, kita ada bawa oto sandiri"

"baik, ba tunggu sadiki kita mo ambe Arthur pe surat-surat kesehatan dulu"

"biar kita bantu, pi"

"Kita deng anak-anak mo ba tunggu dioto jo"

Setelah Krisna dan Adit so kase kumpul samua itu Arthur pe surat-surat kesehatan dorang segera ka

kaluar dari rumah nyanda lupa slot itu jendela deng pintu rumah dan maso ka dalang oto Shinta lalu dorang samua menuju ka rumah sakit tampa Arthur dirawat