Dodomalik

Hasad ki manzil sirf tareek andheri raat hy
 Yehh kahani hy ik Larki ki jis ka Nam Maira Hussain shah hy jis ki family Bhi isi hasad ka shikar Hui thi . 
Woh kehty hain na kahani khatam ni hoti , qatal krny waly yeh bhool jaty hain ky survivors to bach jaty hain .
Esi tarah kahani ka ik or qirdar  Waleed Ahmad khanzada hy Jo  badly ky kisi ajnany safar par nikal para hy , jis par usko bhi yaqeen ni hy ky uska wujood baqi rahy ga ya ni , lekin yahan parwah kese hai
Ik kirdar ROMAAN ALI SIKANDAR hy Jo apni hi maghroor zindagi guzarny mein magan yeh Bhool betha hy ky duniya mein hamesha khush rehna boht mushkil hy .
Ik or Sab sy ehm kirdar Alex - 26 Bhi hy , Jis ko raaz pasand hain . or usko har raaz pata hy , yahan tk ky uski apni zindagi ik boht gehra raaz hy . 
Yeh hai kahani in kirdaron ki jin ky raasty na jany kab milein gy 
Lekin Is umeed par zindaa hain ky in ko apni manzil mily gi or kon kon in ka saath chory ga . 
Keo ky 
" JO ZINDA BACH JAYEIN UNKA MARNA YAQEENI HY "

Atish-e-Dillagi

Chapter # 03

Maira ny mushkil sy apni aankhein kholny ki koshish ki lekin phir sy sir chakra gya .

Raat ko behosh ho kr girny ki wajah sy us ka sir side table PR laga tha ,jis ki wajah sy us ky sir mein dard ki thees si uthi thi

MAIRA HUSSAIN SHAH apny waleden ki ikloti beti thi Jo boht naaz or nakhron sy pali bari thi. Us ki har khuahish usky ghar Waly puri krty thy . Woh boht masum si haseen guriya ki tarah hy . Jis Par kabhi ghar walo ny aanch Bhi ni any di . Lekin qismat mein jis ky Jo likh diya jaye us sy kon peecha chura Sakta hy . Kabhi Kabhi hadson sy hi pata chalta hy ky kon hamary saath hy .

Maira ny dobara apni aankhein kholny ki koshish ki , uski ankhon ky samne jab rat wala manzar aya tou uska sir ghumny laga or woh bhaag kr uthi.

Jab usy maloom hua ky woh kisi hospital mein hy .

Woh jaldi sy bed sy utar kr bahir ki taraf nikli jab usy samne apni Bachpan ki dost Sara Malik nazar ai .

Sara malik maira ki ikloti or sab sy achi dost thi Jo bachpan sy le kr ab tk usky saath thi .

In dono ny school ,college Bhi saath hi parha or ab university Bhi saath hi jany ka Irada rakhti thin.

Maira ny bhaag kr sara ko galy lagaya or rona shuru kr diya .

Jab Maira ny hosla kiya or poocha

" Sara meri mama , mama kidhr Hain sara , mujy mama sy Milna hy " .

Jab ky Sara ky pas is bat ka koi jawab na tha .

Or Malik Yousuf sahb Jo sara ky walid or

Hussain shah ky business partner thy unho ny agy barh kr maira ky sir PR shafqat sy hath phera .

" Beta zindagi mein boht sy sahary jaldi choot jaty hain , Tum bs himat sy kam lo "

Abhi woh yeh bol hi Rey thy or Maira honkon ki tarah unko dekh rai thi jab doctor room sy bahir nikly or Yousuf Sahb ky pas aye , jab Maira ny jaldi sy unky pas ponchty bola

Maira ny jaldi sy poocha or doctor ny Yousuf sahb Ki taraf dekha udr mojood sab ko hi maira ki halat PR boht afsos ho ra tha

" Dekhein doctor ap jitny paisy bolein gy hum ap ko dein gy , mere baba apko boht sy pese dein gy , Ap bs meri mama ko bacha lein , Mama ko boht chot lagi thi , please ap mama ko bacha lein "

Jab doctor kafi der khamosh rahe tou maira ny cheekh kr bola

" Ap kuch bol keo ni rahy meri mama kidr hain

Rony ki wajah sy Maira ki halat boht khrb ho gai thi or uski aankhein jese khoon jhalka rahi thi .

Doctor yeh keh kr wahan sy chaly Gaye Jab Maira zameen PR bethti chali gai . Usko apny kan jese pathar ky hoty mehsus hue .

" Meri mama mujy kese chor Sakti hain , woh to muj sy boht pyar krti thi "

" Tumhein pata hy na sara ,mama to Muj sy payar krti thi boht , woh kese mujy chor kr jaa sakti hain , Mein baba ko batau gi , woh jhuti thin , woh jhut bolti thin " .

Jab sara Bhi us ky saath zaro kitar roye Ja rahi thi .

" Ni Maira meri Jan esa ni hy , woh boht pyar krti hain tum sy "

Jab ky maira hichkion ky saath ro rahi thi .

" Kia Pyaar krny waly isi tarah sy chor jaty hain akela " .

Sara ky pas is bat ka koi jawab na tha .

Jab achanak sy ik patient unky samne sy emergency mein ly jaya gia ,jis ka ik hath ik taraf ko dhilka hua tha or chehre PR sofed kapra Jo khoon sy tar ho chuka tha .

Us ik hath mein ghari thi jis ko dekh kr maira ko laga ky uski zindagi yhi Ruk chuki hy . Or maira paglon ki tarah un logo ky sath bhagny lagi Jo patient ko emergency mein ly kr Ja Rey thy .

Jab unho ny apny peeche sy darwaza band kr diya.

Maira darwazy mein lagy sheeshy sy udhr hi dekh rahi thi .

Jab patient ky mu pr sy kapra utara gia .

Maira ky liye yeh zindagi ka sab sy bura din tha .

Maira ki ankhon ky samne sab dhundla hota Ja raha tha or woh sirf itna dekh Saki ky line seedhi ho chuki thi or sab doctors peeche hat chuky thy .