Chapter 2: 100 Lives Ka Bojh

Chapter 2: 100 Lives Ka Bojh

Reyan ne apni mutthi band karli. "Tch. Pehla quest, das goblin maarne hain. Phir se."

Usne har quest, har monster spawn point, aur har hidden treasure yaad kar liya tha. Usko pata tha kaun se NPCs uska dhokha denge, kaun se saathi marenge, aur kaun se raaste fail hone wale hain.

Lekin is baar, kuch alag lag raha tha.

[New Hidden Quest Unlocked: Break the Cycle]

Uski saans tez ho gayi. Naya quest? 99 regressions ke baad?

Isse pehle ki wo react kar paata, ek rahasyaatmak hooded shakhs uske samne aagaya. "Tum bohot seh chuke ho. Lekin kya is baar sahi faisle loge, Reyan?"

Pehli baar, 100 zindagiyon ke baad, uske dil mein uncertainty bhar gayi. 

Reyan ne hooded shakhs ko gaur se dekha. "Tum kaun ho? Pehle kabhi nahi dekha tumhe."

Shakhs halka sa muskuraya. "Main woh hoon jo tumhe azadi dilane aaya hoon."

Reyan ki aankhein tez ho gayi. "Azadi? Kis cheez se?"

"Iss anant chakra se," shakhs ne dheere se kaha. "Agar tum is hidden quest ko pura karte ho, to tumhe regression ka ye shrap todne ka moka milega."

Reyan ne gehri saans li. Har regression mein, usne sirf ek hi cheez dekhi thi—haar. Lekin agar is baar kuch naya ho sakta tha, toh wo har risk lene ko tayar tha.

"Mujhe kya karna hoga?" Reyan ne poocha.

Shakhs ne ek purani kitab nikali. "Isme wo sab likha hai jo tumhe pata hona chahiye. Lekin yaad rakhna, is baar bhi agar fail hue, toh tumhe kabhi mauka nahi milega."

Reyan ne kitab apne haathon mein li. Ek naye raaste ki shuruaat ho rahi thi.

 Pehla Kadam

Reyan ne kitab ka pehla panna khola. Usme likha tha: "Tumhara pehla mission, ek aisi jagah jaana hai jahan tum pehle kabhi nahi gaye. Dhyan se, kyunki yeh tumhare liye ek naye daur ki shuruaat hai."

Usne socha. "Ek jagah jahan pehle nahi gaya... kya yeh Dark Abyss ho sakti hai?"

Dark Abyss ek aisi dungeon thi jisme aane wale kayi players kabhi wapas nahi ja sake. Pehle ke attempts mein, usne hamesha is jagah ko avoid kiya tha. Lekin agar regression todna hai, toh naye raste par chalna padega.

Reyan ne talwar apne peeth par lagayi aur nayi himmat ke saath beginner village ke bahar nikla. Ab ki baar, uska mission sirf jeetna nahi, balki is anant chakravyuh se nikalna tha.

Jaise hi wo aage badha, ek aur notification saamne aayi:

[Warning! Aap ek Unknown Path par ja rahe hain!]

Reyan muskuraya. "Bas yehi chahiye tha."

Andhera Abyss

Reyan ne pehli baar Dark Abyss ke dwaar par kadam rakha. Samne ek bhayanak darwaza tha jo kali laharon se ghoos gaya tha. Yeh dungeon, jo itne saalon se ek raaz bana raha, aaj pehli baar khul raha tha.

Jaise hi usne aage kadam badhaya, ek aur system notification aayi:

[Warning! Aap ek Forbidden Zone mein pravesh kar rahe hain. Wapas jaane ka koi raasta nahi hoga.]

Reyan ne bina jhijhak accept daba diya.

Jaise hi wo andar gaya, ek tez hawa ka jhonka aaya aur uske aaspaas ka mahaul ekdum thanda ho gaya. Awaaz tak sunayi dena band ho gayi thi.

"Yeh jagah... itni ajeeb kyun lag rahi hai?" Usne dheere se kaha.

Uske saamne andhkaar me ek laambi parchayi hilti dikhayi di. Yeh koi monster tha... ya kuch aur?

[New Entity Detected: Abyss Guardian]

"Abyss Guardian? Pehle kabhi iska zikr nahi suna..."

Ek shaktishaali aatma jaisi shakl uske samne aayi, uski aankhon me gehra andhkaar tha. Reyan ne talwar mazbooti se thaam li.

"Agar regression todni hai, toh mujhe naye raste lene padenge. Aur is raat ke andhere me bhi, main peeche nahi hatunga!"

Abyss Guardian ne ek tez cheekh maari aur attack ke liye tayyar ho gaya.

Reyan bhi ready tha. Is baar, haar accept nahi hai!

Abyss Guardian ek tezi se Reyan ki taraf bada. Uska pura sharir andhkaar se bana tha, jaise ghatta-taande badal ek jagah ikatthe ho gaye ho.

Reyan ne talwar uthayi aur pehla vaar kiya. Steel aur shadow takraayi, aur ek zor ka dhamaka hua.

[Warning! Aap ek Unknown Boss se lad rahe hain!]

Guardian ne apna haath uthaaya aur hawa me ek bada aakaar bana diya. Pura area ek bhayanak energy se bhar gaya. Reyan ne turant peeche hatti, lekin uske aage ka zameen ek dum se bikharne lagi.

"Ye toh ek normal boss se bohot alag hai!" Reyan ne daant kaste hue socha.

Abyss Guardian ne ek tez aakraman kiya, aur Reyan barely bach paya. Lekin ek aur system notification aayi:

[Special Condition Met: Hidden Ability Unlocked!]

Reyan ki aankhein surprise se badh gayi. "Hidden Ability? Kya yeh sach hai?"