chapter 2: A Cursed Beginning

Legacy of the Lost Hero: Reborn to another world

Chapter 2: A Cursed Beginning

Ashikawa ne apni aankhein kholi. Ek nayi duniya, ek naya sharir, aur ek naye jeevan ki shuruaat. Lekin is naye jeevan mein bhi ek ajeeb si shanti thi-koi ehsaas nahi, koi bhavna nahi.

Uska sharir chhota tha. Woh na bol paa raha tha, na hil paa raha tha. Jaise ek naya janma hua ho-ek navjat shishu ki tarah. Lekin is naye sharir ke andar ek purani aatma thi-Ashikawa Hojo, jo is naye sansaar ko samajhne ki koshish kar raha tha.

"Mujhe yaad hai... Sab kuch yaad hai."

Is naye sharir mein uska dimaag ab bhi utna hi tej tha jitna pehle tha. Lekin ek fark tha-ab uske emotions mar chuke the. Ab woh sirf analyze kar raha tha, har cheez ko samajh raha tha, jaise ek machine.

Tabhi uske dimaag mein ek awaaz goonjti hai.

> [STATUS SYSTEM ACTIVATED]

Ek virtual screen uske samne float kar rahi thi, ek translucent window jisme uski saari details likhi thi.

Name: ???

Age: 1 Mahina

Level: 1

Exp: 0/100

Mana: 1

Strength: 1

Ability: 1

Intelligence: 109

Skills: Appraisal Skill, Item Box, EXP Gain Multiplier (x1.5)

God's Gift: Appraisal Skill, Item Box, EXP Gain Multiplier (x1.5)

"Toh yeh sach hai..." Ashikawa sochta hai. "Yeh ek alag duniya hai... aur yeh system mere status ko dikhata hai."

Usne dhyaan diya ki uski intelligence normal se kai zyada thi, lekin strength aur mana ek normal shishu ke barabar thi. Yeh system waise hi kaam kar raha tha jaise ek RPG game ka status menu.

Lekin jaise hi uska dhyaan system se hata, ek bhayankar dushman samne tha.

---

Julius Alfred vs. Demon King

Samne ek bhayankar yuddh ho raha tha. Ek purush, jo rajsi kapde pehne tha, ek kala dhundh mein ghire rakshas se lad raha tha. Uska sharir ghao se bhara tha, lekin uske aankhon mein ek shakti thi.

Ashikawa ne bina soche Appraisal Skill activate ki.

> [TARGET: DEMON KING]

Race: Demon Lord

Power Level: ??? (Too high to analyze)

Abilities: Curse Manipulation, Soul Transfer, Dark Magic

Threat Level: unknown

Ashikawa ki aankhein fail gayi. "Demon King?! Yeh wahi hai jise mujhe maarna tha! Lekin yahaan toh mere naye pita usse maarne ki koshish kar rahe hain?!"

Usne doosri taraf dekha. Julius Alfred.

> [TARGET: JULIUS ALFRED]

Race: Human

Power Level: S-Rank

Abilities: Holy Magic, Curse Resistance, Sword Mastery

Status: Dying

"Mere naye pita Julius Alfred hai... aur woh is duniya ke sabse shaktishaali insaano mein se ek hain. Lekin... woh is ladai ko jeet nahi sakenge."

Ashikawa ke bagal mein ek aurat thi. Woh mari padi thi. Uske kapde khoon se bhige hue the. Woh shayad Julius Alfred ki patni thi-Ashikawa ki naye janm ki maa.

Is duniya mein aate hi uski family bikhar rahi thi.

---

Demon King ki Chaal

Julius Alfred ki talwaar chamki aur Demon King ke sharir mein ek shraap ghus gaya.

> [Curse of Decay Activated]

Demon King ki body 20 minute ke andar raakh ban jayegi.

Lekin Demon King hansa. "Tumhe lagta hai ki main sirf itni asani se mar jaunga?"

Usne ek kala mantra padha, aur apni aatma ko Julius Alfred ke bade bete-Leon Alfred ki body mein daal diya.

Leon Alfred sirf 4 saal ka ek bachha tha, lekin ab uske andar ek mahashaktishaali Demon King ki aatma thi. Uska sharir chamakne laga, uski aankhein laal ho gayi.

"Hahaha... Yeh shandar hai. Ek naye sharir mein naye takat ke saath janam lena... Yeh ab aur bhi mazedaar hoga!"

Julius Alfred ki aankhein fail gayi. "Nahi... Leon!!!"

Lekin ab Leon nahi bacha tha. Ab woh Demon King ban chuka tha.

Aur usne ek hi vaar mein Julius Alfred ka ant kar diya.

---

The Last Survivors

Julius Alfred ke girte hi ek chhoti ladki seediyaan utar rahi thi-sirf 3 saal ki.

Alicia Alfred. Ashikawa ki chhoti behen.

Lekin jaise hi Leon (Demon King) ne usse dekha, usne ek haath uthaya aur Alicia ek magic dimension mein qaid ho gayi.

Ashikawa shock mein tha. Pehle ki tarah, ek baar phir usne apni maa, apne pita, aur ab apni behen ko bhi kho diya.

Demon King dheere-dheere uske paas aaya.

Uski laal aankhein Ashikawa par thi.

"Yeh kya karne wala hai? Kya yeh mujhe bhi maar dega?"

Lekin tabhi Leon Alfred (Demon King) muskaraaya. "Tum... mere chhote bhai ho, hai na?"

Ashikawa ki soch rukh gayi. "Kya? Kya Demon King ne Leon ke sharir ko puri tarah control nahi kiya? Phir yeh mujhe bhai kyun keh raha hai?"

Demon King ne uspar Appraisal Skill chalayi.

> [ANALYZING...]

Target Name: ???

Unique Abilities Detected

God's Gift Detected

Demon King ki muskurahat aur gehri ho gayi. "Toh tumhe bhi kuch khas powers mili hain..."

"Dekho, tum ek baccha ho. Isliye tum abhi mujhe maar nahi sakte. Par tumhari unique powers kaafi interesting hain. Main tumhe jeene deta hoon... Ho sakta hai tum mujhe future mein manoranjan do."

Aur ek hi pal mein woh gayab ho gaya.

---

A Dark Fate

Ashikawa bina kisi emotion ke sab kuch dekhta raha.

Uske naye pita mar chuke the. Uski naye maa mar chuki thi. Uski naye behen kidnap ho chuki thi. Uska bada bhai ek rakshas ban chuka tha.

Aur ab woh akela bach gaya tha.

"Toh yeh hai meri kahani ka shuruaat..."

Ek duniya jisme sirf takat ka mahatva tha.

Ek jeevan jo sirf ek uddehsh ke saath diya gaya tha.

Demon King ko maarna... Apni family ki maut ka badla lena... Aur iss duniya ki sabse shaktishaali taqat ban kar ubharna.

Ashikawa ke chhoti si aankhon mein ek naya iraada tha.

"Main jeeyunga... aur main sab kuch badal dunga."

"Episode end"

Written by: vishnu(ashx07)

Support the Author | YouTube: ashikawax07