Isang Makapangyarihang Pagbabalik

Dinala ni Jeanne si George pabalik sa manor ng pamilyang Lawrence.

Si Alexander ang unang nakauwi. Sa halip na bumalik sa kanyang silid, umupo siya sa living hall.

Naroon din sina Jenifer, Jasmine, at Joshua. Ang mga mata ni Jasmine ay pulang-pula at namamaga na parang katatapus lang umiyak ng todo.

Hindi pinansin ni Jeanne ang lahat at gustong umakyat sa itaas kasama si George.

"SANDALI LANG!" sigaw ni Alexander. Napakalakas niya kaya parang nanginig pa ang buong manor.

Mahinahon na humarap si Jeanne na parang hindi man lang siya nagulat. Tinanong niya, "Bakit?"

Galit na galit si Alexander. "Alam mo ba ang ginawa mo kanina? Hindi ka pa ba natuto? Maraming taon na ang lumipas pero hindi ka pa rin nagbabago! Pabaya ka pa rin! Sinusubukan mo ba akong ipahiya nang sinasadya?"

"Hindi ko alam ang sinasabi mo." Diretso ang tingin ni Jeanne sa mga mata ni Alexander.