Bagian ka 5

"Dimana kita"

kita liat-liat tu ruangan, ta pe mata masih buram deng kita pe kepala

masih pusing

"oh! ade soh sadar"

kita haga ka arah suara itu kong kita kedip-kedip kita pe mata berkali-kali

"sapa ngana deng giapa kita ada disini?"

"oh! iyo kita pe nama Aditya pange jo kita Adit"

"ade skarang ada di UKS pa kita pe skolah, tadi ade pingsan jadi kita bawa kamari"

"kong ngana pe nama?" tanya

"ng... Adelin ngana boleh pangge kita Ade"

"Hai senang baku dapa deng Ade!"

Kita balas dia pe senyum

"oh iyo Ade kalo boleh tau giapa ngana bisa ada disini? kita pe maksud giapa Ade anak SMP bisa maso ka skolah SMA"

Kita kerutkan kita pe kening sambil cerna apa yang Adit ada tanya. Kita tunduk ka bawah deng lia

kita pe diri masih pake baju SMP

kage-kage kita tepuk kita pe testa

"adoh kita inga, kita lagi cari kita pe cici Bela"

"Bela?"

"iyo! kita pe cici Bela, ngana kenal deng kita pe cici, dia anak SMA kelas XII IPA"

Adit garo dia pe kepala

"maaf, kita nintau, kita anak kelas XII IPS"

"ooh bagitu yah?!"

kita goyang kita pe bodi

"yah, begitulah"

"gimana kalo kita tolong cari ade pe cici"

"ok! manjo!"

baru aja Ade kase turung dia pe kaki dari ranjang kong coba mo ba diri, dia pe badan langsung goyang

amper turung ka bawah. Dengan sigapnya Adit langsung polo pa Ade.

"duk, duk, duk"

Adit pe jantung berdetak deng capat

"giapa kita pe jantung berdebar bagini"

"ngana nyandat apa-apa?"

Adit berhasil kase tenang tu jantung yang mulai berdetak dengan

normal

"ki..kita nyanda..a..apa-apa"

Lalu Adit kembali kase tidor pa Ade diranjang UKS

"Kalo bagitu kita sandiri yang cari ade pe cici. Ok!"

"maaf kalo so bekeng repot"

"nyanda apa-apa, kalo bagitu ade tidor dulu disini, jang kamana-mana, kita mo kaluar cari

ade pe cici semoga baku dapa"

"ok kalo bagitu"

Kemudian Adit kase tinggal pa Ade sandirian di UKS. Adit mulai cari-cari dikelas XII IPA tapi kelas-kelas itu so kosong so banyak siswa-siswi yang so pada pulang. Adit lalu ba tanya ka anak-anak yang dia liat tapi nyanda ada satupun

yang kenal Bela cicinya Ade. Adit so putus asa lalu dia menuju keruang tatausaha deng dia tanya ka salah seorang guru yang ada diruang itu

"maaf, misi Bu"

"iyah ada apa yah"

"kita mo tanya apa ada siswi kelas XII IPA dia pe nama Bela"

"Oh, tunggu sabentar kita mo lihat daftar absensi dulu"

guru itu lalu cari dikomputer

"maaf dikelas XII IPA banyak yang namanya Bela, kalo boleh tau Bela pe fam, apa yah"

"Adoh, maaf bu kita nintau Bela pe fam"

"maaf, kalo bagitu kita misi dulu, maaf so ba ganggu"

"oh...nyanda apa-apa"

Adit so pe lome ba jalan kaluar dari ruang tatausaha

itu lalu ba bale ulang ka UKS. Sampe di UKS, Adit lihat Ade yang lagi tidor sambil isap-isap jempolnya sandiri. Adit kong tatawa sambil usap-usap Ade pe rambut yang sadikit ta bongkar