Bagian ka 6

Setelah Ade ta bangon dari dia pe tidor. Kita antar dia pulang ka dia pe rumah. Sebenarnya kita mo antar dia pulang mar dia tolak, jadi kita paksa deng alasan so malam deng nyanda bae kalo anak kacili pulang malam apalagi ba jalang kaki sandiri. Akhirnya dia setuju mar sempat marah karena kita bilang dia anak kacili, kita minta maaf deng nyanda mo pangge anak kacili lagi.

"Akhirnya sampe juga ka rumah"

Ade turung dari Adit pe motor sambil lepas Adit pe helm lalu kase ka Adit

"makase yah ko so antar Ade sampe ka rumah"

"oh nyanda apa-apa esok-esok maukan koko anter Ade pulang skolah"

"apa nyanda bekeng repot ko"

"nyanda malah koko senang bisa antar Ade"

"kalo gitu koko pulang dulu"

"apa koko nggak maso dulu ka dalam"

"nda makase, ini so malam, orang dirumah so tunggu"

lalu Adit pake dia pe helm, dia kase hidop tu motor dan kaluar dari rumah Ade

"bae-bae dijalang jang ngebut"

Ade ba taria tapi Adit nyanda dengar

Ade maso ka dalam rumah dia lia dia pe cici lagi duduk manis disofa sambil nonton tv dan

makang snack

"cici katanya mo jemput Ade diskolah, Ade pe kaki sampe kapalan ba tunggu pa cici tapi cici nya nyanda datang-datang juga"

"Maaf-maaf cici lupa soalnya pas mo pulang skolah cici pe tamang ngajakin ka toko buku, katanya mp beli buku tulis deng alat tulis-menulis (ATM), abis itu torang makang-makang di foodcourt"

"yah udah kalo bagitu, mana tu makanan. Ade so lapar"

Ade pegang-pegang dia pe puru yang sadiki buncit

"he..he..he.."

"so abis torang makang dijalang"

"yah! cici pe kong cudu "

deng terpaksa Bela bekeng nasi goreng deng tolor matasapi, Ade makang pe golojo

"plang-plang kalo makang nanti ta tigo"

nyanda lama kemudian Shinta pulang maso ka dalam rumah

"Bela, Ade! ajus so pulang"

"Eh! mama so pulang, gimana deng kerjaannya"

"Yah hari ini banyak customer jadi Bunda agak sibuk layani pa dorang"

"oh iyo, dimana Ade"

"Ade didapur lagi makang nasi goreng, pe golojo skali kalo makang model nyanda dikase makang slama seminggu"

"hush... nyanda ba ngatain ngana pe ade ba gitu"

Kemudian Bela dan Shinta pergi ka dapur lia Ade makang deng golojo, abis Ade kelar makang dia gonto dari mulu deng kras, dorang pun tatawa terbahak-bahak.