Baréna jeung Unah ngalétakan urinoir

Baréna jeung Unah geus andéprok dihareupeun urinoir bari disaksian ku 4 sécurity, Boyo jeung Udin, dijero toilét lalaki anu geus dikonci. Duanana asa-asa rék ngamimitian ngalamot sabab geuleuh. leungeunma ogé teu wani nyekelan-nyekelan acan.

"Koplok malah ngajarédog, buru lamotan!" Ceuk Boyo nyentak.

Lantaran masih kénéh caricing, Boyo beuki ambek,

"Tampilingan duanana!" Ceuk Boyo ka sécurity.

Dua security langsung maju ngaranggeum kerah baju Baréna jeung Unah terus duanana ditampilingan. Cukang irungna ogé ditojok nepi ka duanana nangkarak bengkang. Geus katempo ngagolér, duanana ditajongan.

"Mang, Kuring anggota sénior di Brilliant Club, geus Mayar 50 juta. Bapa kuring jeung anjeun salembur. Piraku téga memperlakukeun kuring kawas kieu?" Ceuk Baréna bari nutupan irungna anu geus ngucurkeun getih. Unah diuk murungkut, kaciri sakuriling matana geuneuk, beungeutna geus pinuh ku getih anu kaluar tina irungna.

"Anjeun mémber sénior tapi wani ngahina angota VVIP. Naon hartina duit 50 juta? Saméméh aranjeun balik, 50 juta anjeun bakal dipulangkeun, anjeun dicabut tina hak kaanggotaan, di blacklist ti Brilliant Club!" Témbal Boyo.

Boyo nyokot botol parfum tina mesin semprot otomatis anu napel dina témbok toilét.

"Buka sungutna! Seprotkeun sing loba kana sungutna sangkan euweuh alesan urinoir bau" Ceuk Boyo ka sécurity bari mikeun botol parfum toilét.

Dua security muka sungut Baréna jeung Unah, gadona dibetot paksa sangkan calawak badag, anu saurang deui nyemprotkeun parfum loba pisan parfum kana jero sungut duanana. Sengit parfum langsung nyambuang di jero toilét, Unah ngajerit peuriheun sabab cairan parfum ngabaseuhan biwirna anu soéh lantaran ditonjok bieu. Sedengkeun Baréna ngacay babalongkéngan utah uger sabab létahna karasa pait.

"Inum! Lumayan keur nyeungitkeun eusi peujit anjeun. Bisi kurang loba, kuring rék nyokot anu leteran di gudang!" ceuk Boyo bari najong beungeut Baréna.

Baréna jeung Unah euweuh anu hayang paéh, duanana ngorondang ngadeukeutan urinoir.

"Ulah diinuman deui parfum, kuring rék ngalétakkan urinoir" ceuk Unah.

"Guru, anjeun rék lalajo?" Boyo nanya ka Udin.

"Enya, kuring rék nyaksian tidieu" témbal Udin anu keur nangtung nyarandé kana panto toilét anu nutup.

Dijero toilét aya 16 urinoir, 8 di kénca, 8 di katuhu. Baréna geus nyekelan urinoir ka-1 jajaran kénca ku dua leungeunna, létahna geus mimiti kaluar rék ngamimitian ngalamotan, tapi masih ngarandeg asa-asa. Sabab bau hangseur langsung kaseuseup ku irungna. Beuteungna murel deui hayang Utah.

Una di gigireunna ogé mimiti tungkul kana urinoir, tapi buukna anu panjang milu asup ngarumbay ka jero urinoir, sababaraha kali buukna dikatukangkeun tapi ragrag deui ragrag deui ka jero urinoir. Unah ngarasa hanjakan teu mawa jepit atawa beungkeut buuk.

Ningali duanana masih silih séréd di satempat bari can aya anu ngalétak, Boyo keuheul,

"Lamun masih kénéh hararésé, saurang pindah ngalétakkan closét!"

Duanana beuki ngadégdég, sabab urinoir waé geus geuleuh, komo closét. Sanajan dijieun tina porselen bodas tapi da lain tempat anu beresih.

Baréna langsung ngalétak, tapi karék sakali langsung Utah. Unah anu nempo Baréna Utah deui, langsung ngarti panyababna. Éta pasti kulantaran Baréna beunta. Jadi unah langsung meureumkeun panonna bari ngamimitian ngalétakkan sababaraha kali. Lamun nempo Unah lutak létak bari peureum dina situasi séjén pasti bakal ngahudangkeun gairah kalalakian Baréna. Tapi ieu di toilet, nempo Unah ngalétakan urinoir sababaraha kali bari tenang siga anu nikmat, Baréna malah ngabirigidig geuleuh.

"Kuring geus ngalétak, ayeuna leupaskeun kuring" ceuk Baréna.

Boyo ngaérét ka Udin ménta jawaban.

"Ngan salétak? Tempo si Unah tuh, leuwih ngarti tibatan anjeun" ceuk Udin ka Baréna.

"Jadi kahayang anjeun naon deui? Nitah ngalétak urinoir geus dilaksanakeun" ceuk Baréna teu ngarti.

"Pindah ka barisan urinoir séjén sangkan teu parebut. Jadi Saurang kabagéan 8 urinoir. Létakan kabéh nepi ka beresih" témbal Udin.

Kabéh colohok ngadéngé paréntah Udin. Tapi Unah tetep anteng ngalétakkan, sabab geus nyaho sifat Udin lamun geus nyiksa jelema. Pasti moal méré ampun saacan kahayangna digugu. Bari merebeykeun cipanonna sarta ngantep buukna anu ngarumbay ka hareup kabaseuhan. Unah terus ngalamotan urinoir, ampir bérés anu kahiji. Letahna geus asa paéh rasa.

Baréna ogé ceurik, terus ngorondang ka jajaran 8 urinoir katuhu. Mereumkeun panonna nurutan Unah, sabeulah leungeuna dipake mencét irungna, terus ngamimitian ngalétak. Unah geus pindah kana urinoir ka dua bari saacana ngelapkeun heula biwirna jeung buukna kana leungeun bajuna.

"Unah, anjeun salah, barisan éta keur Baréna, urinoir anjeun anu aya tukangeun anjeun" ceuk Udin.

Unah langsung andéprok leuleus, padahal geus nganggeuskeun 1 urinoir. Hartina pagawéanna bieu jadi sia-sia jeung miturut itungan Unah jadi kabagéan 9 sedengkeun Baréna ukur 7. Jelas Unah protés,

"Udin. Naon maksudna? Anjeun teu adil" pokna bari ngajerit.

"Sapasang kakasih kudu sauyunan, anjeun hawek geus miheulaan tanpa ngajak pasangan anjeun. Wéyahna bikeun bonus hiji ka Baréna" ceuk Udin.

Baréna jeung Unah ngarasa keur narima panghinaan gedé saumur hirupna. Sakumaha telengesna jelema, moal aya anu nyiksa batur ku cara ngaletakan urinoir.

Saenggeus duanana tukeur tempat sarta katempo mimiti ngalétakkan urinoir tanpa asa-asa deui. Udin ngarérét ka Boyo,

"Boyo. Lamun 16 urinoir ieu geus beresih kabéh, leupaskeun duanana"

"Siap guru, duanana moal leupas tina pangawasan kuring" témbal Boyo.

Udin geus muka panto rék kaluar tapi ditahan ko Boyo,

"Guru, hampura kajadian tadi, kuring geus teu sopan ka anjeun. Pasti anjeun ambek ka kuring. Kuring rumasa salah. Ulah dilaporkeun ka néng Warni"

"Teu nanaon, ngan ulah sakali-kali deui. Awaskeun terus wéh dua jelema ieu sangkan téréh béreés. Kuring moal bébéja ka sasaha" témbal Udin seuri

Boyo unggeuk, reugreug ngadéngéna,

"Siap guru, nuhun"

Udin nyaho Boyo teu salah, Boyo ukur dimanfaatkeun ku Baréna. Kasalahan Boyo ukur kurang taliti jeung terlalu percaya ku laporan safihak. Tapi pasti Boyo bisa ngoméan kasalahanna.

Udin indit ka kantorna Warni pikeun méré nyaho hasil gawéna. Warni ngarasa kuciwa ngadéngé ceuk Udin dékorasi intérior gedung boga pamor anu biasa waé. Padahal Warni geus ngagawékeun designer kondang pikeun nata kabéh rohangan. Sarta geus ngondang ahli féngshui ti China pikeun mariksa. Harga hiasan jeung furniture ogé euweuh anu murah.

"Kang. Salira kagungan cara kanggé ngarobihna?" Warni nanya ka Udin.

Udin seuri,

"Di lobi. Pas asup pangunjung geus disampakkeun ku dua tangkal Camara gedé. Hadéna ganti duanana ku jenis palma, Naha palem, korma, kalapa atawa waregu terserah mana anu pantes miturut anjeun keur hiasan intérior, anu penting jenis Palma. Terus dua pilar batu motif maung diluar, hadéna ulah bikang jeung jalu, kudu jalu duanana. Nyinghareupna ogé ulah sajajar ka jalan raya, pahareup-hareup ogé goréng, tapi kudu rada nyérong 45⁰ ka arah datangna pangunjung. Saolah-olah dua punggawa karaton anu keur ngabagéakeun tamu anu datang"

Warni unggut-unggutan.

"Hartosna wibawa luar gedung kedah langkung ditonjokeun nya kang?"

Udin unggeuk,

"Asup ka gedung anu pamorna kuat, bakal mawa sumanget gedé keur saha waé anu datang. Jadi para pangusaha anu datang kadieu pikeun ngahabas bisnis bakal kapangaruhan ku pamorna sarta bakal ngarasa nyaman aya dijero"

Warni kerung, sabab métode Udin can kungsi kadéngé saacanna. Umumna para ahli dékorasi jeung ahli féngshui pasti bakal ngutamakeun bagéan jero.

"Ulah poho salian pajak ka nagara, zakatkeun sabagéan tina hasilna sasuai jeung hakna. InshaAllah gedung ieu bakal barokah jeung gedé manfaatna pikeun kabéh mémberna" ceuk Udin deui.

"Nuhun kang. Sadayana bakal jadi catetan abdi kanggé dilaksanakeun" témbal Warni.

Udin ngarérét kana arlojina, geus waktuna Udin pikeun balanja sayuran jeung masak. Jadi Udin nyarita,

"Kuring kudu balik" ceuk Udin.

"Mangga kang, ku abdi di jajapkeun" ceuk Warni bari maturan Udin kaluar sarta nitah pagawé nyokot mobilna di basement.

"Tungguan didieu, Kuring rék ka toilét heula" ceuk Udin bari manggut ka Warni terus leumpang ka toilét lalaki anu dipaké ngawarah Unah jeung Baréna.

"Kuring nungguan anjeun dina mobil" ceuk Warni ka Udin anu geus leumpang. Udin ukur ngacungkeun jempolna.

pas Udin datang, Unah jeung Baréna karék nepi ka urinoir ka-3. Beungeut duanana geus pias sabab sababaraha kali Utah.

"Naha meni asa Lila?" Udin nanya ka Boyo.

"Duanana geus euweuh deui anu bisa diutahkeun tina beuteungna, jadi beuki kaleungitan sumangetna" témbal Boyo.

"Béré waktu sajam, lamun teu bérés dina sajam, hukumanna tambahan ka toilét di lantai-2 sanajan deui. Saupama teu réngsé kénéh dina sajam di lantéi-2, sambung ka lantéi-3. Ku cara kitu, pasti moal aya deui alesan pikeun ngalika-lila pagawéanna " ceuk Udin.

"Kadéngé ku aranjeun? Aya sajam pikeun nganggeuskeun di dieu. Lamun henteu, 16 urinoir deui nungguan dilétakkan di lantéi-2" ceuk Boyo ka Baréna jeung Unah.

Duanana geumpeur, buburu ngalétakkan urinoir leuwih gancang, geus teu paduli deui ku bau hangseur jeung rasa ketar dina létahna. Duanana hayang buburu nganggeuskeun hukumanna.

Udin nganggap hukuman éta geus sabanding jeung kasalahanna. Unah geus sababaraha kali ngahina jeung rék nyilakakeun dirina ku cara mangaruhan Batur. Susuganan ku jalan kieu jadi kapok salilana.

"Boyo, kuring pamit. Geus waktuna balik. Mihapé Baréna jeung Unah. Tetep awaskeun nepi ka réngsé" ceuk Udin.

Boyo unggeuk,

"Siap guru, kuring moal ingkah tidieu saacan réngsé" témbal Boyo.

Nempo Udin indit, Baréna jeung Unah beuki rajin ngalétakkan urinoir siga anu keur balapan. Duanana hayang buburu dibébaskeun.

Réngsé ngalétakkan, duanana ngalungsar bari nyarandé. Rasa pait ketar jeung bau karasa napel terus dina létahna. Bau hangseur anu kaambeu tina sungutna kawas bau cai ompol anu geus ditunda saminggu dina botol.

Saterusna duanana narangtung terus leumpang nuju ka wastafel. Maksudna rék sibeungeut, ngumbah buuk bari kekemu. Tapi ku Boyo dicarék. Teu lila saurang patugas administrasi asup nganteurkeun duit 50 juta ka Boyo. Ku Boyo ditarima langsung dibikeun ka Baréna ditukeuran ku kartu mémber senior milik Baréna,

"Ayena geus beres, jig aranjeun baralik. Ulah nincak deui kadieu" ceuk Boyo.

Baréna jeung Unah unggeuk, buburu duanana kaluar bari tungkul diiringkeun ku 4 sécurity. Di luar loba jelema, jelas kabéh perhatian jelema langsung katuhu ka Baréna jeung unah. Kabéh nyangkana duanana kapanggih geus ngalakukeun asusila di jero toilét. Katambah duanana barau hangseur, jadi eweuh anu wani deukeut. Kabeh ukur bisa nempo ti kaanggangan bari narutupan irungna sarta teuteupan anu ceuceub.

Di luar gedung. Duanana langsung ancrub ngagejeburkeun awakna kana Balong air mancur teu jauh ti panto utama gedung Brilliant Club. Terus duanana tanggah sibeungeut, ngubah buuk sarta kekemu ku cai anu mancer tina patung lauk anu aya di 4 juru Balong. Tapi sanajan sababaraha kali kekemu, bau dina létahna teu leungit-leungit sarta teu bisa ngarasakeun rasa nanaon salian ti rasa peuheurna ciompol.

Unah langsung diuk andéprok dina cai anu mémang déét bari nyarandé disisi balong. Ngageunggeuik ceurik teu maliré ka jelema loba anu keur ngalalajoan ti kajauhan. Baréna ogé sarua, diuk di gigireun unah kawas sapasang anu gélo. Duanana teu nyangka, gara-gara ngaganggu Udin bakal nanggung akibat siga kieu.

Unah ngarérét ka Baréna terus ngomong,

"Saurang anak yatim anu ngalaman jadi kuli wangunan, terus hirup ngandelkeun diparaban ku pamajikan. Naha bet bisa boga kakawasaan siga kitu?"

Baréna nutupan irungna,

"Ngomongna rada jauh, aing teu kuat ngambeuna" ceuk Baréna bari ngajejek cangkéng Unah sangkan teu deukeut teuing diukna.

Unah ambek, tapi mémang bener, sabab sungut Baréna oge bau pas bieu ngomong. Jadi unah buburu ngisedkeun bujurna ngajauhan Baréna.

Teu lila Baréna nyarita,

"Kueing ogé teu ngarti, kunaon kulawarga Nataprawira jeung Boyo nepi ka tunduk ka si Udin"

Unah unggeuk,

"Jadi panasaran hayang nyaho, aya naon sabenerna. Padahal sawaktu si Udin masih kénéh cicing di villa Kulawarga Kusumah. Tong boro wani nyentak ka kuring, melong beungeut kuring waé teu wani. Saré dipabéasan bari ukur ditilaman ku samak butut. Malah kungsi ku kuring diguyur ku cai saémber sabab meupeuskeun gelas waktu keur ngumbah piring, tapi da tara ambek, malah sok nyuuh ménta dihampura. Kungsi ogé ku kuring ditampiling lantaran ngepél imah teu bener anu ngajadikeun kuring tisolédat, tetep cicing teu ngalawan. Naha ari ayeuna bet bisa jadi jelema telenges teu gableg perasaan. Kabéh jelema ngahormat, aya anu nyebut bapa, aya anu nyebut guru, adén, juragan. Firman kurang kumaha beunghar, tapi ku si Udin malah dijieun impotén"

"Mémang Bangsat! Kueing kudu manggihan Firman pikeun ngalaporkeun kajadian didieu. Kalakuan si Udin kudu dibales" ceuk Baréna.

Warni nurunkeun Udin di pasar sayur sasuai jeung pamentana.

"Nuhun geus nganteurkeun kuring" ceuk Udin saenggeus turun tina mobil Warni.

Warni unggeuk, bari perasaan pacampur aduk sabab watir nempo Udin anu rék asup kapasar tradisional pikeun balanja sayuran,

"Ati-ati kang. Bilih akang ngaraos capé ku padamélan dibumi. Ulah asa-asa sumping ka Brilliant Club kanggé istirahat. Telepon abdi upami hoyong diréncangan"

"Pasti akang bakal kaditu saupama aya waktu" témbal Udin bari seuri.

Warni teu buburu indit, tapi nempokeun Udin anu asup ka jero pasar nepi ka teu katembong deui.

Warni ngarénghap panjang, cipanonna teu karasa ngeclak teu pupuguh tina kongkolak panonna. Aya rasa anu hésé pikeun diungkapkeun dina haténa. Warni ngarasa manglebarkeun kana nasib Udin. Padahal Icih jelema biasa anu saderhana.

Sanajan geulis Icih ogé mémang teu cerdas sarta teu bisa teges. Pendidikanna ukur S1 dalam negeri bari préstasina ogé goréng. Teu kawas Warni, S2 cumlaude jebolan universitas Harvard di Amérika. Dina masalah temperamén jeung étika ogé masih jauh saupama dibandingkeun jeung Warni. Kunaon Udin teu bisa leupas ti Icih. Ukur Udin anu nyaho alesanna.

Sanajan can jadi Patriark. Tapi Warni geus dipercaya ngajalankeun ½ tina kabéh usaha milik kulawarga Nataprawira. Setiap jenis bisnis anu dijalankeunna tara aya anu gagal, malah beuki maju. Sedengkeun Icih, ngarintis usaha tanpa modal ngandelkeun kamampuan dirina sorangan anu saayana, bari éta ogé lantaran aya jasa gedé ti Udin anu susulumputan ngabantu.

Wajar Warni jadi timburu. Icih anu dina sagalana hal sahandapeuna, tapi bisa meunangkeun salaki bageur, nyaah sarta réla ngorbankeun diri pikeun ngajaga sarta ngadukung Icih.

Saméméhna Warni can kungsi ngarasa timburu ka sasaha. Sabab lahir ti kulawarga mampu anu hartana moal béak 7 turunan. Karék ayeuna Warni ngarasa iri ku nasib Icih. Kuduna kalaki siga Udin pantesna jeung dirina, lain jeung Icih.

Mikiran hal éta, tékad Warni beuki buleud, kudu bisa meunangkeun Udin ku cara anu séhat tanpa ngaraheutan haté icih. Kudu bisa nahan perasaanna ka Udin, kudu nunda kesan hadé dina haté Udin, teu meunang nyinggung haténa, ngajaga sikep dihareupeunna, nepi ka perasaan éta jadi malik sacara alami. Udin anu ahirna kudu malik Bogoh ka Warni. Jadi moal aya fihak anu ngarasa kapaksa atawa diteungteuinganan.

Nyambung...